اسلام میں خواتین کا کردار women in Islam

اسلام میں خواتین کا کردار 

میدانِ جنگ میں خواتینِ اسلام 

حضرت صفیہ کی بہادری

جنگِ خندق میں ایک ایسا موقع بھی آیا کہ جب یہودیوں نے یہ دیکھا کہ ساری مسلمان فوج خندق کی طرف جنگ میں مصروف ہے تو جس قلعہ میں مسلمانوں کے بچے اور عورتیں پناہ گزین تھیں یہودیوں نے اچانک اس پر حملہ کر دیا اور ایک یہودی دروازہ تک پہنچ گیا حضور ﷺ کی پھوپھی حضرت صفیہؓ نے اس کو دیکھ لیا اور حضرت حسان بن ثابتؓ سے کہا کہ تم اس کو قتل کر دو ورنہ یہ جا کر یہا ں کا ماحول اور حال باہر بتا دے گا ۔مگر اس وقت ان کی یہودی پر حملہ کرنے کی ہمت نہ پڑی ، یہ دیکھ کر حضرت 

صفیہؓ نے آگے بڑھ کر خیمہ کی ایک چوب اُکھاڑی اور اس یہودی کے سر پر اس زور سے مارا کہ اس کا سر پھٹ گیا ۔پھر خود ہی اس کا سر کاٹ کر قلعہ سے باہر پھینک دیا یہ دیکھ کر حملہ آور یہودیوں کو یقین ہو گیا کہ قلعے کے اندر بھی اسلامی فوج موجود ہے ۔ اس ڈر سے یہودیوں نے اس طرف حملہ کرنے کی جرات ہی نہیں کی ۔

(زُرقانی ج ۲ ص ۱۱۱)